Matupi Peng, Ni 2 Chung Ah SAC Ralkap Nih Mipi Inn 30 A Khangh
The Chinland Post | 2023 April 4 — Chin ramkulh, Matupi peng, Kala khua ah SAC ralkap nih mipi inn 30 a khangh tiah Matupi peng mipi uknak phu nih April 3 ah an thanh.
SAC ralkap pawl nih inn 45 hrawng khuasa an sinak Kala khua cu March 31 ah inn 9, April 1 ah inn 21, tiah a zapi inn 30 an khangh tiah theih a si.
Kala khua pawng ah CDF-Matupi, CNA phufonh le SAC ralkap karlak ah kahdohnak a chuak i mipi hriamtlai phufonh nih mawṭaw 1 an hrawh khawh.
SAC ralkap pawl cu April 3 zinglei ah Matupi peng, Walantae khua an phan i mipi inn pawl an khangh thluahmah tiah theih a si.
March 20 ah Matupi in mawṭaw 3 le thazang 80 hrawng in aa rak thawh mi SAC ralkap pawl cu kahdohnak chung ah a thi mi an tam cang caah Helicopter in thazang 70 hrawng a rak chap hna nain March 31 tiang ah mipi hriamtlai phufonh nih voi tampi an kah ṭhan hna caah SAC ralkap 52 an thi cang, mawṭaw 1 an hrawh khawh tiah CDF-Matupi cathanh chung in hmuh khawh a si.
About The Author
