May 24, 2024

Matupi Peng Oo-kaa Khua Ruak Thlah I A Kalmi Motor Aa Leh Ruang Ah Minung Pali An Thi

0

Salai Elvis| 2018 April 1| March 28, Chin ramkulh Matupi peng Oo-kaa khua te ah miruak thlah i Mandalay in a rak tlungmi motor cu pe 300 tluk a sannak chengpalang ah a tla i minung pali an thi tiah theih a si.

Mandalay sii-inn pi ah a thimi Oo-kaa khuami Daw Ly Ly cu (kum 43) a ruak cu mani-sa-la mibawmchan tu phu nih an rak thlah hna i an kirlei ah a tu bantuk in lam thlang ah an tlak hi a si. Motor mawng pa le a zultu pa, Oo-kaa khua in Gangaw tiang a zulmi Oo-kaa khua mi ninung pahnih an zapi minung pali an thi” tiah mani-sa-la mibawmchan tu phu in Ko Kyaw Kyi nih a chim.

Oo-kaa khua cu March 28 zanlei suimilam 2 ah an phan, tlawmpal an i din ta i suimilam 3 ah an rak i thawh than. Cu hnu ah pehtlaih khawh an si ti lo caah March 30 hnu lawngah an ruak he hmuh a si” tiah Ko Kyaw Gyi nih a chim.

An ruak cu Gangaw sii-inn ah siibawi te nih zohfelnak an ngeih dih hnu ah motor mawng le a zultu pa cu Buddhist biaknak phung in March 31 ni ah an ruak an khangh hna tiah theih a si.
Ref: Khonumthung

About The Author

Na ruahning rak langhter ve.. (Leave a comment)

%d bloggers like this: