Maungdaw ah SAC kuttang BGF an i si hna i anmah le anmah bom in an i chep, 2 an thi 5 an i hliam
![](https://i0.wp.com/thechinlandpost.info/wp-content/uploads/2023/01/BGF.jpg?fit=610%2C406&ssl=1)
The Chinland Post | 2023 January 9 – Rakhine ram, Maungdaw peng chaklei Dungnyo BGF sakhaan in BGF pawl January 6 ah phe an i celh lio ah an i si hna i bom a puah caah 2 an thi, 5 an i hliam tiah BGF upa pakhat nih DVB sin ah a fehter.
“A bu in phe an i kah hna, phe kah lio ah Lt. Sergeant Lin Lin nih bom kha a dawh hnu in an lai ah a chiah. Cu bom cu Lt. Sergeant Thet Paing Htun nih a char i a langhlat ah a cheh nain a an i butnak chung ah a tlak ṭhan caah Thet Paing Htun a hmun ah a thi, Lin Lin zong sizung an tlik pi lio lampi ah a thi ve” tiah DVB ah a chim.
Lt. Sergeant Aung Kyaw Soe, ralkap Thet Ko Aung, Shine Min Khant, Nay Lin Htun hna fak ngai in an i hliam i pelek Win Ko Ko hi cu a hma fak tuk lo tiah a chim.