Shwebo peng ah mi ngiat in aa chawk mi SAC ralkap an kah hna, 2 an thi
The Chinland Post | 2023 January 9 – Sagaing ramṭhen, Shwebo peng, Zuatha khua lei in aa rak chawk mi SAC ralkap pawl le pyusawhtee pawl cu January 7 ah an kah hna i SAC ralkap lei in 2 an thi tiah Black Wolf – Army upa pakhat nih Mizzima ah a chim.
Kahdohnak hi mins 15 hrawng a rau i mipi hriamtlai phu lei him tein an kir kho tiah theih a si.
Cu SAC ralkap phu pawl cu Shwebo peng Palai khua chung ah hmunhma an khuar i lamcung ah mipi pawl tangka tampi an hal hna, mipi nih an cinthlak pawl an zuun lio ah kah a hmang mi phu an si tiah a chim.
About The Author
