Mawluu Khua Lak Kahdohnak Ah Ralkap 17 An Thi, 7 A Nung In An Tlaih Hna
The Chinland Post | 2023 December 14 — Sagaing ramṭhen, Indaw peng, Mawluu khua lak kahdohnak chung ah ralkap 17 an thi i 7 a nung in an tlaih hna tiah ABSDF nih an thanh.
Kahdohnak ruang ah mipi tampi an zaam i dothlennak phu pawl nih khua ah a rak lut ding ralkap pawl kham ding in timh cia tein an um tiah theih a si.
December 13 zinglei sml 2:30am hrawng thawk in Indaw peng, Mawlu khua ah a um mi palek sakhaan an kah i zinglei sml 6:00am hrawng ah an lak khawh. Cun palek sakhaan chung in ralkap chungtel ruak 17 an hmuh leng ah 7 zong a nung in an tlaih hna tiah theih a si.
Kahdohnak chung ah hriam phun 21, bomrap 5, Grenade 24, G3 kuan 3000, MA kuan 300, 9MM kuan 200 leng, Rubber kuan 30, G3 kuan 42, MA kuanbawm 6, Uzi kuanbawm 6, Computer 1, phone 2, pehtlaihnak seh 1 hna an lak khawh tiah theih a si.
Kahdohnak chung ah ABSDF, KIA, KPDF, le cuka hmunhma dothlennak phu pawl an i bawm hna i mipi hriamtlai phufonh lei in 2 nih ram le miphun caah an nunnak an pek i 1 aa hliam tiah theih a si.
About The Author
