May 28, 2024

MDF nih CNA Le Ṭangṭi Phu Chin Hriamtlai Pawl Cu Ralrin A Pek

0

The Chinland Post | February 3, 2024 — CNA le ṭangṭi Chin hriamtlai phu pawl cu Mara hmunram chung in chuak dih uh tiah Maraland Territorial Council MTC/MDF nih ralrin peknak cathanh an chuah.

CNA, CDF – Mara, CDF – Paletwa, CDF – Thantlang, CDF- Zophei, CDF – Lautu le CDF-Senthang hriamtlai phu nih MDF sakhaan cu February 1 ah drone in bom lung 30 leng an thlak tiah MTC/ MDF nih an langhter.

Federal rampi sernak ah NUG nih drone a pek mi hmang i MDF sakhan bom an thlak mi cu kan lung a ṭha hrim lo. Cu pin ah Chin hriamtlai phu kar kahdohnak a si caah kan lung a ṭha hrim lo tiah cathanh chung ah an langhter.

MTC/MDF cu Federal rampi ser ding in rian a ṭuan mi kan si pin ah mi zapi hliamtuar lonak le khawndennak um lo ding in kan hrial. Chin hriamtlai phu karlak ah buaibainak vialte zong a si khawh chung in kan hrial. CNF le ṭangṭi hriamtlai phu cu Mara hmunram in an chuah duh lo ahcun hmailei caan ah buaibainak a tam kho tiah MTC/MDF nih cun an langhter.

Matupi peng, Lailenpi khuapi ah humhimnak a latu CNA le CDF-Mara cu Maraland Defense Force (MDF) nih January 24, zinglei suimilam 10 hrawng ah an kah hna i Chin ralkap 2 an nunnak a liam pin ah minung pakhat hliam a pu, tiah theih a si.

Mah kahdohnak ah hin CNA in Corporal pakhat le CDF-Mara in Company Commander pakhat nunnak a liam i CDF-Mara in Battalion Commander pakhat hliam a pu, tiah theih a si.

About The Author

Na ruahning rak langhter ve.. (Leave a comment)