Mekhaṭha Sakhaan Kahdohnak Ah SAC Chungtel 50 Hrawng An Thi, Hriam Tampi An Lak Khawh
![](https://i0.wp.com/thechinlandpost.info/wp-content/uploads/2023/03/FB_IMG_16799980042131-e1679998162586.jpg?fit=640%2C853&ssl=1)
The Chinland Post | 2023 Match 28 — KNU Brigade 5 hmunhma ah a um mi Mekhaṭha sakhaan cu KNLA nih an lak i SAC chungtel 50 hrawng an thi, hriam cheukhat zong an lak khawh tiah theih a si.
Mekhaṭha sakhaan hi Thai-Myanmar ramri ah a um mi sakhaan pakhat a si i KNLA nih March 28 zinglei ah an kah i an lak beh hi a si.
“Sakhaan kan kulh i kan kah. 40-50 kar an thi lai. Vanlawng nih kah a rak bawmh ko hna nain an chuak kho hlei lo” tiah KNLA he aa naihniam mi nih Media ah an chim.
Sakhaan lak kahdohnak chung ah KNLA lei in 1 a nunnak a liam i 3 an i hliam, 1 hi a hma a fak ngai tiah a chim fawn.
Atu kan lak mi sakhaan hi KNU Brigade 5 hmunhma chung ah sau bik hmunhma a khuar cang mi sakhaan a si caah a rem tuk cang i an zapi thazang hi a za leng an si lai tiah a chim fawn.