May 29, 2024

Military Service Law An Thanh Hnu, Hakha Ah SAC Ralkap Nih Mino 2 An Tlaih Hna

0

Military Service Law An Thanh Hnu, Hakha Ah SAC Ralkap Nih Mino 2 An Tlaih Hn

The Chinland Post | 2024 February 14 — Chin ramkulh, Hakha khua, Calvary sang ah SAC ralkap nih mino 2 an tlaih hna tiah Hakha khuami pakhat nih The Chinland Post ah a chim.

SAC nih Military Service Law (စစ်မှုထမ်းဥပဒေ) a thanh hnu February 12 zaanlei ah atu bantuk in Hakha ah ralkap nih mino 2 an tlaih hna hi a si tiah kan theih.

“February 12 zaanlei sang ah mino 2 cu Calvary sang, No. 4 B.E.H.S thlang tiva hor (ရေပြွန်) ah zuu an din lio ah SAC ralkap nih an tlaih hna. An kut an thlir ter hna i an phone an lak piak hna hnu ah an mawṭaw in an kalpi hna tiah thawng kan theih” tiah Hakha khuami pakhat nih The Chinland Post ah a chim.

Sihmanhsehlaw hi kong he pehtlai in The Chinland Post nih mit in a hmutu (witness) le thawngpang fiang tein a thei mi kan hal kho hna lo, a dik bak ko tiah adang lam in kan fehter khawh mi a um lo.

About The Author

Na ruahning rak langhter ve.. (Leave a comment)