Minbya ah hriamngan ruangah hngakchia telh in minung 3 an thi, 5 an i hliam

The Chinland Post | 2022 October 16 – Rakhine ram, Minbya ah October 17 chun ah SAC ralkap nih an kahmi hriamngan a puah caah hngakchia pakhat le nu 2 an thi i hngakchia 3 telh in minung 5 fak piin an i hliam tiah khuami hna nih RFA ah an chim.

Hriamngan ruangah Minbya peng Phalaungpin khua in kum 10 hngakchia nu Ma San Nwe Soe, kum 23 nu Ma Hla San Yin le Taunghchaung khua in kum 48 siangcachim Daw Mya Mya hna an thi tiah an chim.

Phalaungpin khua in kum 69 Daw Nyun Sein cu fak piin aa hliam tiah an chim.

Cu bantuk in Minbya peng Singyipin khua in kum 30 Mg San Che, kum 29 Ma Kyaw Ri, kum 64 Daw Nyo Tha le Tanpingyi khua in kum 3 hngakchia Ma Su Lin Nwe hna zong an i hliam tiah khuami hna nih an chim.

Minbya khuachung ah a ummi SAC ralkap le Kying tlang ah hmunhma a khuarmi SAC sakhaan in an kahmi hriamngan ruangah atu bantuk in a can hi a si tiah khuami pakhat nih RFA ah a chim.

Na ruahning rak langhter ve.. (Leave a comment)

%d bloggers like this: