June 20, 2024

Mindat Ah Nau Pawi Lio Nu Telh In Mipi 6 SAC Nih An Tlaih Hna

0

The Chinland Post | 2024 May 31 — Chin ramkulh thlanglei, Mindat khua ah SAC ralkap nih nau pawi lio nu telh in mipi 6 cu May thla chung ah an tlaih hna i thinlung lei ngandam lo mi minung 1 zong an thah tiah CDF-Mindat nih May 30 ah cathanh an chuah.

Mindat khua, အရှေ့ပြင် sang ah nau pawi lio nu 1, kum 70 nu 1, kum 60 pa 1 le Kyauktu ah pa 2 tiah an zapi minung 6 a tlaih hna i nu 1 lawng an thlah rih tiah CDF-Mindat nih an thanh.

Cun SAC nih May thla chung ah Mindat peng ah van lei kahdohnak voi 8 a tuah i Baungte khua, meng 17, အရှေ့ပြင် hna ah hriamngan voi (11) a thlah thlorh caah phungki sianginn 1 a rawk tiah theih a si.

Cun Kanpetlet peng, Cindwe khua lak kahdohnak chung ah CDF-Mindat hriamtlai (6) a si mi Salai Bu Ling Hung, Salai Om Naing, Salai Yaw Han, Salai Ha Ki, Salai Khui Shing Htan le Salai Ki Tam hna nih ram le miphun caah an nunnak an pek tiah CDF-Mindat nih a langhter.

About The Author

Na ruahning rak langhter ve.. (Leave a comment)