Mindat khua ah a ummmi SAC ralkap gate an kah, SAC ralkap a thi mi an tam kho
The Chinland Post | 2022 October 6 – Chin ramkulh, Mindat khua ah hram a bunh mi Infantry 274 pawng gate cu an kah hna i a thi mi an tam kho tiah CDF-Mindat nih a thanh.
October 5 zinglei sml 11:30am hrawng ah chikhat an lut i Energa bom in an kah hnu ah hriamhme in mins 15 hrawng a naih tein an kah hna tiah theih a si.
Mindat hrambunh Infantry 274 nih kahdohnak aa thok hlan mins 30 hrawng aa duh ah hriamngan in an kah i cuka pawng gate zong ah thazang tam deuh an chap caah rak i timhtuah ning in a tlamtling kho lo tiah an thanh.
Cu kahdohnak a dih hnu ah CDF-Mindat hriamtlai pawl him tein an kir kho tiah theih a si.
SAC ralkap pawl kah an ton hnu ah mipi pawl an umnak khuate lei ah hriamngan in voi 20 hrawng a kah caah Mindat khuachung inn pakhat a rawk i tiah thawng theih a si.
About The Author
