Mindat Khuachung Ah SAC Nih Hngakchia 4 An Tlaih Hna
The Chinland Post | 2024 June 10 — Mindat khuachung ah hmunhma a khuar mi SAC ralkap nih Mindat khuachung mino 4 cu June 8 ah a ruang um lo in an tlaih hna tiah theih a si.
Cu kong pehtlai in Mindat khuami pakhat nih “Mino 4 an tlaih hna tiah kan theih. A ho an si cu an thei rih hna lo. Moe Pyi Taung Car Gate ṭuanvo ngeitu zong aa tel” tiah Zalen Media ah a chim.
Atulio Mindat khua ah Helicopter in Brigade 77 thazang, hriam, kuan pawl a chap hna tiah theih a si. LIB 274 zong nih khuate lei ah hriamngan a kah tiah theih a si.
Mi an um lonak inn pawl zong ah ralkap, palek pawl nih hmunhma an lak i sizung luhchuahnak zong an rengh tiah theih a si.
About The Author
