July 25, 2024

Mindat peng ah kum 17 hngakchia nu SAC ralkap nih an thah

0

The Chinland Post | 2023 January 17 – Chin ramkulh thlanglei, Mindat peng ah SAC ralkap nih kum 17 hngakchia nu cu January 9 ah a ruang um lo in an thah tiah theih a si.

Mindat peng, Li Lawng khua January 9 zaan ah a rak lut i a kir ṭhan mi Infantry 274 in SAC ralkap pawl nih kah ruang ah kum 17 hngakchia nu a hmun ah a thi i a unu a cal ah aa hliam tiah theih a si.

“Khua lonh in zaan ah an rak kir ṭhan i a thi mi hna inn le lam hi aa naih te a si caah lam in an kah hna. A thi mi nu le a unu hi an kut an i tlai i inn hnulei an tlik lio ah an kah hna. A hmai hi lak awk zeihmanh a um lo, a hnar, a ka zong a bauh dih, a kah mi kuan hi a ṭang tang in a pem, a unu hi a cal ah an hneuh” tiah chungkhar he aa naihniam mi nih Khonumthung Burmese ah an chim.

A thi mi nu hi Mahar Thi a si i a pa zong SAC ralkap nih pawṭa an dawh i a zaam zaan ah a fanu an thah hi a si.

Mahar Thi ruak thlak lio zong ah minung tlawmte lawng an si tiah theih a si.

Li Lawng khua hi Mindat in meng 10 aa hlatnak ah a um i inn 50 hrawng khuasa an si.

About The Author

Na ruahning rak langhter ve.. (Leave a comment)