Rihkhawdar khua ah kahdohnak a chuak
The Chinland Post | 2023 January 17 – Chin ramkulh, Falam peng, Rihkhawdar khua, January 17 zinglei sml 9:00am luan hrawng ah SAC ralkap le min theih lo hriamtlai phu karlak ah kahdohnak a chuak tiah theih a si.
Rihkhawdar khua No.2 sang tlang cung ah hmunhma a khuar mi SAC ralkap sakhaan cu min theih lo hriamtlai phu nih khatlei tlang in an kah hna i kaphnih karlak kahdohnak a chuak, SAC ralkap nih hriamngan an kah thlorh tiah theih a si.
SAC nih an kah mi methal kuan pawl khuachung inn cung ah a tla i inn a rawk mi a um lo nain hriamngan a puak ruang ah hngakchia pakhat a kut aa hliam i sizung ah an kalpi tiah theih a si.
SAC ralkap sakhaan a kaptu minung 2 cu Ṭio tiva tan in India lei an kal lio ah Assam Rifle phu nih an hriam he an tlaih hna tiah khuami nih Khonumthung Burmese ah an chim.