Mindat peng ah SAC nih hriamngan a kah, Mindat peng hoih in ralkap cawlcanghnak an ngei

The Chinland Post | 2022 July 11 – Magway le Chin ramkulh aa tonnak ah a ummi Mindat khua hrambunh SAC Infantry 274 nih July 9 ah a ruang um loin hriamngan a kah tiah CDF-Mindat nih a thanh.

July 9 zaan sml 8:00pm hrawngah SAC ralkap nih hriamngan voi 11 a kah i Baunghte khuate le a pawngkam ah a tla nain hliamhma a tuarmi an um lo tiah a langhter.

Cun, Magway ramṭhen Htilin khua in a rak chuakmi thazang 90 hrawng SAC ralkap cu June 10 zinglei sml 10:45am hrawngah Htilin peng Aung khuate pawng an phan i Mindat peng Shwebaungtha asilole tlangcung an rak kai kho men tiah CDF-Mindat nih a thanh.

SAC ralkap pawl cu a luancia June thla ah Htilin peng in Mindat khua ah an rak lut i kahdohnak a chuak. SAC ralkap nih hriamngan a kah thlorh ruangah hngakchia pakhat a nunnak a rak liam.

Na ruahning rak langhter ve.. (Leave a comment)

%d bloggers like this: