Mindat peng khuate ah SAC nih zaan ah bom a thlak

0

The Chinland Post | 2023 January 23 – Chin ramkulh, Mindat peng, Sawntawng khua pawng khuate pakhat cu January 21 zaan sml 11:55pm hrawng ah kahdohnak um lo pi in SAC ralkap nih vanlawng in bom an rak thlak caah khuami 2 an i hliam tiah Mindat peng mipi uknak phu nih an thanh.

Bom lung 2 an rak thlak i mipi inn a rawh leng ah pa 1, nu 1 bom ci nih a khen hna i an i hliam tiah an langhter.

“Sawntawng khua pawng ah a um mi khua 1 cu CDF an um tiah bom lung 2 an thlak, pa 1 le nu 1 an i hliam. Nu hi a hma a fak ngai. A ṭawk khatlei a tlau” tiah khuami nih Mizzima ah an chim.

Cun January 22 zinglei sml 11:00am hrawng zong ah SAC ralkap nih Mindat khuachung ah an chiah mi Howitzer hriamngan in voi 5 tiang pehzulh in Vomtu khua lei ah a kah.

Cubantuk hriamngan kah ruang ah hliam a tuar mi cheukhat an um tiah theih a si.

Zaan ah bom an rak thlak caah Sontaung khua telh in a pawngkam khuami hna an zaam tiah theih a si.

About The Author

Na ruahning rak langhter ve.. (Leave a comment)

%d bloggers like this: