June 17, 2024

Mindat Peng Sianginn Hna Ah Vanlei Bom Ralven Ningcang An Cawnpiak Hna

0

The Chinland Post | 2023 July 18 — Chin ramkulh, Mindat peng, Fimcawnnak phu hruainak in an awn mi sianginn pawl ah bomkhor an cawhter hna i i thuh ningcang an chimh hna tiah theih a si.

Hngakchia 1,000 leng kha CDM siangcachim 300 leng le Volunteers pawl nih an chimh hna i CDF pawl zong nih khor chung i thuh ningcang le bom ral i ven ningcang an chimh hna tiah theih a si.

“Vanlei kahdoh a tambiknak hi Mindat khua hmunhma 2 le hmunhma 3 hna an si. Cun sianginn hna ah bomkhor an cawhter hna. Siangcachim pawl zong nih siahngakchia pawl kha bomkhor chung i thuh ningcang an chimh hna. Cheukhat sianginn hna ahcun CDF-Mindat phu an raa i i thuh ningcang an chimh hna. Zeitin dah kan zaam lai ti mi zong an chimh hna” tiah Mindat peng fimcawnnak phu rianngeitu nih Mizzima ah a chim.

Chin ramkulh ah vanlei kahdohnak voi 40 nak tlawm lo SAC nih a tuah cang tiah Mindat peng fimcawnnak Board rianngeitu nih a chim.

SAC ralkap nih kahdoh a can lo nak khuate pawl lawng siloin biaknak lei inn, biakinn, sianginn hna zong ah vanlei kahdohnak a tuah tiah an chim.

About The Author

Na ruahning rak langhter ve.. (Leave a comment)