Kyainseikgyi Peng Ni 4 Chung Kahdohnak Ah LIB 558 Battalion Commander Telh In 50 Hrawng An Thi
The Chinland Post | 2023 July 18 — Karen ram, Kyainseikgyi peng, Kwilondai sakhaan in a rak kir mi SAC ralkap pawl cu ni 4 chung an kah hna i ralbawi telh in SAC ralkap 50 hrawng an thi tiah KNLA sin in thawng theih a si.
July 11 in July 14 tiang SAC ralkap Kwilondai sakhaan in a rak kir mi thazang 115 hrawng SAC ralkap LIB 432 le LIB 558 hna cu Kyainseikgyi peng, Hnanphatchaung, Yatawhta, Winhtalon khuate pawng ah an kah hna i SAC LIB 558 Battalion Commander telh in 50 hrawng an thi i 12 an i hliam tiah theih a si.
Kahdohnak hi KNLA phufonh nih an tuah mi a si i bomrap ruang ah hriamtlai 1 aa hliam, SAC ralkap pawl karceh in an um lio ah vanlawng nih kahdoh a rak bawmh hna, Kwilondai sakhaan in thazang 115 hrawng an rak chuak nain Kyainseikgyi an phak ah 60 hrawng lawng an taang tiah Khit Thit nih a langhter.
About The Author
