Minkyin Peng, Kance Pyusawhtii Sakhaan Kahdohnak Ah SAC Lei 10 Hrawng An Thi
Salai Mangpau | August 29, 2023 — Kalaymyo pengkomh, Minkyin peng, Kance Pyusawhti sakhaan kahdohnak ah SAC lei 10 hrawng an thi i hriamnam zong an lak khawh tiah Yangon Khit Thit nih a chim.
August 28 zing ah Kance pyusawhti sakhan cu Student Revolution Force (S.R.F), Tein hlua Daungmin Pah-kah-phah le Local PDF ṭangrual mipi ralkap phu hna nih an kah hna i SAC lei mi 7 in 10 kar an thi, 5 leng hliam tuar mi an um, S.R.F bu lei 3 hliam an pu ve tiah theih a si.
Mah kahdohnak ah SAC ralkap hriam Carbine M2, kutser meithal 2, 0.30 kuan 193, kutser meithal kuan 72, Carbine kuanbawm 5, phone 28, motor cycle 7 cu mipi ralkap lei nih an lak khawh.
“Minkyin pengchung ah mipi ralkap ṭangrual phu hna nih kahdohnak fak pawl kan tuah cang. Minkyin pengchung a um mi SAC ralkap nih Pysawhti khua a um mi mipi pawl pyusawhti he aa hlatnak hmun ah umding in ralring kan pek hna tiah S.R.F ralbawi Saya San nih a chim.