Miss Earth Myanmar 2017 Cotu Van Sui Par Konglam Le Fashion Hmanthlak
City Hunter| 2018 March 12| Van Sui Par @Tin Sandar Myo (Par Par) hi Chin miphun a kan cawisangtu ngaknu pakhat a si. Par Par nih miss a ngahnak le a sianginn kainak tibantuk a konglam tawi a hngal rih lomi paoh nih theih le hngalh nan duh cio lai. Cun fashion design thar he aa thlakmi a hmanthlak thar zong hmuh le zoh nan duh cio lai tiah The Chinland Post careltu zapi sin ah siaherhnak he kan hun in hrawmh hna.
Par Par cu Yangon khualipi, Hlaing Township ah khua a sa. Unau chuakti pali lakah amah lawng hi nu a si. Mino te, kum 25 tluk ceo te lawng a si rih. Amah hi English le Business in B.A degree pahnih a ngah cangmi a si. Strategy First Institute (College & University le Yangon MIT ah BARS zong a kai. Par Par hi Chinnu ahcun pumrua tha, mi khansang pawl a si. Pe 5 le letmah 7 a sang.
Kawlram leengdawh (miss) zuamnak naklei in a minthangmi le Chin miphun mithmai a hngaltertu le a kan cawisangtu ngaknu pakhat a si. 2016 kum ah tuahmi Miss Myanmar International leengdawh zuamnak ah 1st runner up a rak ngah. Cun Miss Earth Myanmar 2017 (winner) cotu zong a si. Miss Earth Myanmar 2017 winner a co ruang ah Philiippine ram, Pasay khuapi- Mall of Asia Arena i tuahmi Miss Earth 2017 ah Myanmar ram aiawh in aa zuam. Asinain top 16 semifinalists ah a sung.
Model Van Sui Par cu 2014 Miss World Myanmar i zuamnak ah pakhatnak a rak ngah lai tiah thazaang petu tampi nih rak ruah a si. Asinain top 5 tiang lawng a rak phan kho. Chinnu a si caah an thleidan bia a si tiah Lai mino tampi nih comment an rak pek cio.
Photo Credit: Van Sui Par fb page, Mang Mang fashion and design fb page
About The Author
