Chin miphun MMA Fighter Tial Thang cu a raa lai mi December 3 ah aa thong lai

The Chinland Post | 2022 November 21 – Chin miphun MMA Fighter Tial Thang “The Dragon Leg” cu a raa lai mi December 3 ah Philippine ram, Manila khua ah an tuah ding mi One Championship ah aa thong lai.

Manila khua ah a um mi SM Mall of Asia Arena ah an tuah ding mi One Championship i puai 164 nak Bantamweight ah Chin Fighter Tial Thang cu Philippine miphun Jeremy Pacatiw he an i thong lai.

Tial Thang hi One Championship ah puai 3 a awng cang i puai 1 lawng a sung rih mi a si. A luancia February 11 ah an rak tuah mi One Championship ah Indonesia rammi he an rak i thong i khatlei pa a dur ah a khawn sual caah i thong beh ti lo in a tluk in mark an rak pek hna.

Atu Tial Thang he aa thong ding Philippine miphun Jeremy hi kum 26 lawng a si rih i MMA puai 15 aa thonghnak chung ah puai 10 a awng i puai 5 a sung mi a si.

Kum 28 a si mi Chin miphun Tial Thang cu taang 7 a si in Wrestling lei ah a lut cang i New York khua ah an tuah mi Freestyle and Greco-Roman Wrestling zuamnak ah puai 500 leng teinak a hmu i Brazilian Jiu Jitsu Wrestling zuamnak ah voi 50 leng teinak a rak hmu.

Na ruahning rak langhter ve.. (Leave a comment)

%d bloggers like this: