Mitmu Ngeilo Mitcaw Cia In An Fate A Chuah Ruang Ah Hringtu Nu Le Pa An Lau Tuk

City Hunter| 2018 April 26| Nicole Martinez le a pasal Kalani Prior nih an hrinmi an fate cu mitmu ngei lo, mitcaw cia in a chuak tiah siibawite nih an chimh hna tikah an lautuk. Hika ah mitmu a ngei lomi ngakchia Jackson video tawite zoh khawh a si.

Siibawite nihcun Jackson tiah min pekmi ngakchia an pawi lio zarh 32 a si ah a kehlei a mitmu a um lo kha an chek i an hmuh cang tiah April 25 ah media pakhat nih a langhter.

Asinain a hung chuah taktak tikahcun ngakchia i a orhlei mitmu zong a um lo. Atu hi ngakchia cu pound 7 renglo deuh a si. Ngakchiate Jackson cu sii-inn ah siibawi thiamsang nih a hleikhun in an thlopbul lio a si.

Hi thil a cangmi cu American ramkomh New Mexico ramkulh ah a cangmi a si. Ngakchia a upat deuh tikah a mitmu hi airawlh in thlopbul a si te lai nain atu ahcun nundamnak ding tu kha an thlopbul hmasa rih.

Hringtu a nu kum 25 a simi Nicle nihcun, “Ka pawi lio i cawlcangh aa thawk lio te in pakhat khat palhnak a um timi ka hngalh cang. Siibawi nih Jackson kong chimh a ka timh, zeihmanh ka hngal rih lo. A donghnak ah ka hal. Zeidah a sullam a si ka ti. Cu lio ahcun siibawi nih Jackson mitmu a ngeih lomi ka hmuh tiah a ka chimh. Hringtu nu le pa cu an lau tuk, an ngaihchia tuk nain siibawite nih a tha bik in kan in thlopbulpiak ko lai an ti hna.

Hringtu a upa (kum 34) nih, “Jackson hi a nu pawi hlai in hrinmi a si. A hlai khawh cangka nurse pakhat nih fimhlawm ding a cawi lio ah pakhat khat aa palh timi ka hngalh. Thil sining ka hngalh hnu ah ka nupi cu zeitindah ka chimh lai timi ka ruat kho lo. Hi lio caan hi a har bikmi caan a si” tiah a chim.

Ref: DVB Burmese 

Na ruahning rak langhter ve.. (Leave a comment)

%d bloggers like this: