Mizapi Ruahnak Tello In Mei Man A Kaimi Kongah Duhlonak An Langhter

TCP-Thantlang| 2019 July 1| Mizapi ruahnak le duhnak tello in mei man kai mi kongmi ah duhlonak lam zawh in July 1 Yangon ramthen Payoun-taung peng ah an langhter tiah kan theih.

Mei kongkau tawlrelnak zungpi nih July 1 thok in inn-bing le sipuazi tuahnak caah mei a hmang mi hna  mei man a kai cang lai tiah June 25 ah fakthanhnak an rak tuah.

“Atu bantuk in mizapi ruahnak tel lo in mei man a kai mi cu daite in i pumhkhomh hnu ah duhlonak langhter in lam kan zawh hi a si” tiah lam  zawhnak ah aa tel ve mi pakhat nih a chim.

Duhlonak lam zawh in catar (poster) an i ken mi chungah; mizapi ruahnak le duhnak tello mei man kai kan duh lo, mei man kai ter mi kan ngol piak u, mizapi duhning cu kan duh ning a si ti mi le a dangdang catar zong i ken in lam zawhnak an ngei.

Hi duhlonak lam zawh mi cu phungning in nawl pek an si hnu ah mizapi thazaang minung 150 tluk an i tel kho tiah kan theih.

(Ref: News Watch)

Leave a Commnet

%d bloggers like this: