Mizoram ah aa dormi Myanmar ralzaam hna nih sipuazi tuah lo ding in Mizoram cozah nih nawl a chuah
The Chinland Post | 2022 September 20 – India, Mizoram ah aa dormi Myanmar ralzaam hna nih sipuazi tuah lo ding in Mizoram, Commissioners zung lutlai nih phihkharnak nawl a chuah.
Cu cathanh chungah ralzaam hna nih cozah theihpinak tel loin sipuazi rian ṭuan lo ding, phung he aa kalhmi thilri pawl phorhnak nawl kan phih tiah September 15 ah a thanh.
Cun ralzaam hna nih cozah theihpinak tel loin inn le hmun cawknak nawl a um lo tiah a langhter.
Myanmar rammi hna nih India rammi sinak, me thlaknak ID (Voters ID), mawṭaw mawnghnak license (Driving License) le Aadhar Card pawl phunglut loin nan tuah lai lo tiah a thanh.
Myanmar ram chung ah a ummi ralzaam hna cu ramchung buainak ruangah a bubu in Mizoram ah an lut hna i Mizoram cozah nih ṭha tein ṭhutdirnak a pek khawhnak hnga atu bantuk in kan thanh hi a si tiah an langhter.
Mizoram cu Chin ramkulh ramri he meng 300 leng aa hlat i ramdang nih company ngan pipi pawl hram an rak bunh lo caah rian a har i ralzaam hna zong nih bawmhnak lawng an i bochan ko tiah theih a si.
About The Author
