Rakhine kahdohnak pawl ah SAC ralkap nih hmanhmi bomrap ruang ah mipi 71 an thi

The Chinland Post | 2022 September 20 – Rakhine ram chung ah SAC ralkap le AA karlak kahdohnak chungah SAC ralkap nih hmanhmi bomrap pawl a puak i mipi 71 an thi, 146 an i hliam tiah ULA/AA nih a chim.

SAC ralkap nih a hlan hmunhma an khuarnak sakhaan pawl ah bomrap an hmanh ta i dingrep ngei loin bomrap an kaltak ruangah Rakhine ram lawng si loin Myanmar ram pumpi ah mipi pawl tampi hliam an tuar tiah Press Conference ah AA biachimnak nawl a ngeitu Khine Thu Kha nih a chim.

May thla chung ah SAC ralkap hmanhmi bom i lamh sualnak voi 16 a cang i mipi 6 an thi, 14 an i hliam tiah a chim.

Cun Maungdaw peng kahdohnak ah AA nih kan tei deuh hna tiah ULA biachimnak nawl a ngeitu Khine Thu Kha nih a chim.

SAC nih Maungdaw chaklei lam, ti lam pawl hna nicaan riikhiah um loin a phih i van in nifatin bom a thlak caah khuate 30 in khuami hna Maungdaw, Buthidaung ralzaam camp hna ah an zaam i khuate cheukhat ah a tap mi zong an um tiah a chim.

Na ruahning rak langhter ve.. (Leave a comment)

%d bloggers like this: