Mizoram Ah Myanmar Ralzaam 2,000 Leng An I Dor
The Chinland Post | 2024 May 24 — Myanmar ramchung kahdohnak ruang ah tu thla chung ah India, Mizoram ah Chin ramkulh in ralzaam 2,000 leng an zaam tiah peng ṭuanvo ngeitu pawl chim mi cherhchan in tualchung thawngzamh pawl nih an langhter.
India-Myanmar ramri zalong tein umkalnak nawl FRM phih ding program cu India cozah nih a ṭuanchuah cuahmah lio ah ramri lonh in Mizoram ni chuahlei Champhai pengkomh chung ah atu bantuk in an zaam hi a si.
May thla chung ah aa dor mi telh in Myanmar ralzaam 36,500 leng an um cang i pengkomh 11 ah an i dor hna tiah India lei ṭuanvo ngeitu pawl nih an chim.
India-Myanmar ramri ah a um mi Tonzang le Cikha khua in SAC ralkap sakhaan pawl cu May 17 thawk in Chin dothlennak phu pawl nih an kah hna i ni 5 a rauh hnu ah khuaning in an lak khawh.
Hmanthlak: Rihkhawdar hlei (2024 February 11) – Hmanthlak hlun
About The Author
