Tonzang Peng, Vanlei Kahdohnak Ruang Ah Biakinn 1 A Rawk
The Chinland Post | 2024 May 24 — Chin ramkulh, Tonzang peng, Phaitu khua cu May 21 ah SAC nih vanlawng in bom a thlak caah Zo Baptist Churh (ZBC) biakinn a rawk tiah thawng theih a si.
Kahdohnak ruang ah khua ning in an zaam lio ah bom a thlak i mipi hliamtuarnak um lo nain biakinn pakhat a rawk cikcek tiah Phaitu khuami pakhat nih a chim.
Phaitu khua hi Tonzang khua he meng 6 aa hlatnak ah a um i Tonzang khuachung ahcun kahdohnak pehzulh in a chuak rih tiah theih a si.
May 11 zong ah Tonzang peng Lungtak khua cu SAC ralkap nih vanlawng in bom an thlak caah biakinn 2 le mipi inn 4 nak tlawm lo a rawk tiah theih a si.
Hramhram in uknak lak a si hnu Chin ramkulh ah van lei kahdohnak ruang ah a rawk mi biaknak lei inn 36 a um cang i van lei kahdohnak telh in SAC ralkap nih a phunphun in kahdohnak ruang ah a rawk mi biaknak lei inn 115 a um cang tiah CHRO nih an rak langhter.
About The Author
