Mizoram ah Myanmar ralzaam 30,000 leng an i dor

0

The Chinland Post | 2023 February 24 — India, Mizoram chung ah Myanmar le Bangladesh ram in aa rak dor mi 31,000 leng an um tiah Mizoram ram cozah rianngeitu pawl nih an chim. Tu kum January 27 tiang ah Myanmar ram in aa rak dor mi 31,050 an um i Bangladesh in aa rak dor mi 450 leng an um tiah ramchung lei Minister Lalchamliana nih theihternak a tuah.

Myanmar ram in aa rak dor mi chung in a tam deuh hi Chin ramkulh in an si hna i Myanmar ram ah 2021 February in SAC nih hramhram in uknak a lak hnu thawk in a rak zaam mi an si India thawngzamh nih a langhter. Tlangcung hmunhma ah SAC nih kahdohnak a tuah caah an rak i dor hi a si tiah an ṭial.

Bangladesh ram in aa rak dor mi hna hi cu Lawngtlai pengkomh chung khuate 8 hna ah dornak buk 160 an tuahpiak hna i umnak nawl pek an si tiah ramchung lei Minister nih cun a chim.

Mizoram cozah nih atutiang Myanmar ram in aa rak dor mi ralzaam ca ah USD $ sing 4 le cheu leng bawmhnak a pek cang hna i Bangladesh in aa rak dor mi hna ca ah USD $ 36,000 leng bawmhnak a pek cang tiah Mizoram ramchung lei Minister Lalchamliana nih a chim.

About The Author

Na ruahning rak langhter ve.. (Leave a comment)

%d bloggers like this: