Turkey, Syria lihninhnak ruang ah a thi mi 47,000 leng an phan
The Chinland Post | 2023 February 24 — Turkey le Syria ramri, February 6 ah a tha 7.8 a ṭhawng mi li aa hninh ruang ah a thi mi hi 47,000 leng an phan cang tiah theih a si.
Turkey ah a thi mi 43,500 leng an phan tiah Turkey ramchung lei Minister Suleyman Soylu nih a thanh ca ah nili ni tiang Turkey le Syria ramhnih fonh ah a thi mi hi 47,200 leng an phan cang tiah theih a si.
Lihninhnak ruang ah a rawk mi inn le a cim mi lak ah a nunnak a him mi pawl zong an kawl ti hna lai lo tiah Turkey ramchung lei Minister nih a chim. Turkey ram ah inn 16,400 nak tlawm lo a cimh caah thianh dih a hau tiah kokek thlichia le thil ṭihnung lei Minister nih a chim.
Nitlak chaklei Syria hmunhma ahcun li a hnin ṭhan sual lai ti an phan caah hngakchia thong tampi le chungkhar tampi cu mawṭaw chung le chikhat umnak buk hna ah an dor tiah a chim.
Duhlonak a langhter mi pawl fak taktak in a ṭhencheutu Syria President Bashar Assad he entainak a um mi Arab ram cheukhat zong nih Syria caah bawmhnak an pek tiah theih a si.