June 20, 2024

Mizoram Min Cimh Ruang Ah A Thi Mi 31 An Phan

0

The Chinland Post | 2024 May 29 — Mizoram ah Cyclone thlichia Remal ruang ah May 27 le May 28 chun tiang ruah pehzuh in a sur i Aizawl khua pawngkam ah zinglei sml 6:00am tiang vawlei a cimh caah mipi a thi mi 31 tiang an phan cang tiah Mizoram chung thawngzamh pawl nih an langhter.

Mizoram cozah nih kokek thil ṭihnung a tong mi mipi pawl bawmhnak caah Rupees 15 Billion a suaisamh i vawlei cimh ruang ah a thi mi pawl cu minung pakhat ah Rupees sing 4 cio a pek hna lai tiah theih a si.

Chin ramkulh he ramri aa tlaihnak India, Mizoram mipi inn pawl hi chengpalang le tlang hna ah benh in an sak mi pawl a si i fur caan ah atu bantuk in vawlei cimhnak hi kum fatin an tong i 2024 chung ah a cang mi vawlei cimhnak ruang ah mipi tampi an thih hi a voikhatnak a si.

About The Author

Na ruahning rak langhter ve.. (Leave a comment)