MNDAA Nih SAC Ralkap Hrawh Cikcek Ding In Kahdohnak A Thawk Cang
The Chinland Post | 2023 October 27 — Shan ram chaklei ah MNDAA nih a hmunhma chung SAC ralkap pawl hrawh cikcek ding in kahdohnak a thawk cang tiah thawng a thanh.
Shan ram thlanglei ah a um mi SAC ralkap pawl hrawh cikcek ding, Laukkai peng ah online in mihlen a hmang mi pawl le mi hrawkhrawl pawl hrawh cikcek ding, online in mi hlen hmang Company pawl a hnulei in a dirkamh tu pawl an thazang a ṭhawn chin nakhnga lo kham ding le tuni thawk in Lashio-Muse Pyidaungsu lampi cu zinglei sml 6:00am thawk in phih a si cang tiah MNDAA nih thawng an thanh.
Phih mi Lashio-Muse lam cung ah zei bantuk mawṭaw hmanh, zeibantuk a ruang hmanh in umkalnak nawl a um lai lo i nawl a zul lo mi cu fak pi in kahdoh nan si lai tiah an thanh.
October 26 le October 27 kahdohnak pawl ah MNDAA nih SAC ralkap cheukhat an tlaih hna i hriam cheukhat zong an lak khawh tiah theih a si.
About The Author
