Myanmar Ram Ah Khrihfa Biakinn Kharpiak An Tong
The Chinlandpost | October 26, 2023 —
Yangon ramkulh, Shwepyita peng, No. 13 sang um Khrihfa biakinn 4 cu a cunglei nawlpeknak in sang khuabawi hna nih pumhnak tuah ti lo ding in October 22 ni thawk in phihkhar an tawn tiah theih a si.
“Pumh khar a si hlan ah sang khuabawi nih bia halnak an rak kan tuah. Kanmah lei in bia anka tha tein kan leh ko hna. Kan hnu zarh zarhpi ni ah cunglei nawlpeknak in biakinn ah pumhnak tuah ti lo ding in an rak kan chimh. Kan umnak sang ah biakinn pical lian mi a um lo. Home Church bantuk inn pathum hrawng kan ngei. Mah cu atu an kan phihkhar piak kan ton hi a si” tiah min langhter duh lo Pastor pakhat nih Zalen ah a chim.
October thla hramthawk ah Ayeyarwaddy ramthen, Pantanaw peng ah Amazing Grace Children Home biakinn zong pumh khar an tong ve.
Naypitaw, Thatgone zong ah biakinn an sak lio ah pehzulh sak ti lo ding in an ngol ter hna. Mah biakinn saknak hmun hi an sak dih dengmang cang mi a si i, ralkap vawlei hmun ah nan sak ruang ah saknak nawl nan ngei lo ti in an kan ti tiah Rev. Samuel nih a chim.
About The Author
