Moebye Kahdohnak Ah SAC Ralkap 20 Nak Tlawm Lo An Thi
The Chinland Post | 2023 June 12 — Shan le Kayah (Karenni) ramri, Moebye kahdohnak ah SAC ralkap 20 nak tlawm lo an thi i mipi hriamtlai lei in 4 an nunnak a liam ve tiah MBPDF nih a thanh.
Thazang tampi in kahdohnak a tuah mi SAC ralkap le No. MBPDF B01, KNDF B03, URF hna karlak ah kahdohnak a fah hi a si.
Kahdohnak chung ah SAC lei nih lam hlat a kap kho mi hriamngan lung 100 leng an hman tiah MBPDF nih a thanh.
Kahdohnak chung ah MBPDF lei hriamtlai 1, KNDF B03 in hriamtlai 2 le URF in hriamtlai 1 nih ram le miphun caah an nunnak an pek tiah theih a si. Cu leng ah hriamtlai 3 an i hliam caah an thlop hna lio a si tiah theih a si.
Moebye ah SAC ralkap le PNO pyithusit thazang 400 hrawng nih hmunhma an khuar.
SAC ralkap le PNO pawl nih hmunhma an khuarnak sang chung minung 5 an thah hna i nu 2 an tlaihhrem hna tiah an langhter.
May 27 thawk in zarhnih chung ah Moebye khuami 8 le nu 5 SAC ralkap nih an thah hna i kum tling lo hngakchia 3 an i tel tiah theih a si.
About The Author
