Salingyi Peng, Nyaungbingyi Sakhaan Lak Kahdohnak Ah SAC Ralkap 10 Nak Tlawm Lo An Thi, Hriam Zuun 7 An Lak Khawh
The Chinland Post | 2023 June 12 — Sagaing ramṭhen, Salingyi peng, Nyaungbingyi palek sakhaan cu June 9 ah PDF pawl nih an lak i kahdohnak chung ah SAC ralkap le palek 10 nak tlawm lo an thi, hriam zuun 7 an lak khawh tiah Buffalo Defense Force nih a thanh.
June 9 zaanlei sml 5:49pm hrawng ah Monywa khua ni tlaklei, Salingyi peng, Nyaungbingyi palek sakhaan cu Buffalo Defense Force le ULF phufonh nih an kah hna i SAC ralkap 10 nak tlawm lo an thi, sakhaan a ning in an khangh khawh leng ah G3 zuun 4, MA zuun 1, Machine Gun 1, 79 zuun 1 le kuanzen tampi an lak khawh tiah theih a si.
SAC nih Jet Fighter 2 in a rak kah hna caah hriamtlai Ko Wai Yan Lin a paw ah kuan nih a khen caah a nunnak a liam i ULF in hriamtlai 4 hliam an tuar tiah Buffalo People Defense Force nih an thanh.
About The Author
