Monywa Ah PDF Sakhaan 1 An Luh Hnawh Hna I PDF 4 An Nunnak A Liam
The Chinland Post | 2023 September 11 — Monywa peng ah a um mi PDF sakhaan pakhat cu Separate 6 zinglei sml 4:00am hrawng ah SAC ralkap pawl nih an luh hnawh hna caah PDF 4 an nunnak a liam i 3 an i hliam tiah theih a si.
Kyemon khua pawng ah a um mi PDF sakhaan an luh hnawh hna i sakhaan an khanghpiak hna tiah The 74 Media nih a langhter.
“Dalan ruang ah sakhaan umnak an theih hi a si. Pathum hi a hmun ah an nunnak a liam, pakhat hi a zaam manh ko nain a hma ruang ah a nunnak a liam ṭhan” tiah khuami pakhat nih The 74 Media ah a chim.
Ruah a sur tuk lio ah sakhaan an luh hnawh hna hi a si i aa hliam mi pathum zong hi himnak hmun ah an i thlop lio a si tiah an langhter.
A nunnak a liam mi hna hi Paw Gyi (kum 35), San Ni (kum 23), Cho Gyi (kum 27) hna an si i an luh hnawh hna lio ah kuttuah meithal, hriamngan le bom pawl an lak khawh tiah theih a si.
Monywa hrambunh Area 71 PDF sakhaan zong a luancia May 31 ah an luh hnawh hna i tangka sing 300 man hriam pawl an sung tiah theih a si.
About The Author
