Yedashe Peng, SAC Ralkap le PDF Karlak Kahdohnak Ah Ralkap 25 An Thi
The Chinland Post | 2023 September 11 — Bago ramṭhen, Yedashe peng ah SAC ralkap le PDF phu pawl karlak ah kahdohnak a chuak i SAC ralkap 25 an thi tiah NUG Ministry of Defense nih a thanh.
September 7 zinglei sml 9:00am in zaanlei sml 5:00pm tiang Yedashe peng, Shwetaunghaung ah a rak lut mi SAC ralkap le PDF phu pawl karlak ah kahdohnak a chuah hi a si.
Kahdohnak chung ah Naypyitaw PDF Yoma Column in Sniper nih SAC ralkap Platoon Leader (စစ်ကြောင်းမှူး) an kah khawh i 60MM pawl hmang in an kah chih hna, kahdohnak chung ah SAC ralkap 25 an thi i SAC ralkap vanlawng 2 in bom a rak thlak tiah theih a si.
Kahdohnak pawl ah PDF Naypyitaw, Taungoo PDF B3501, B3502, Pawani Column le Tandaung PDF hna an i bawm tiah theih a si.
About The Author
