Monywa PDF sakhaan SAC ralkap nih an luhhnawh hna i PDF 3 an nunnak a liam
The Chinland Post | Sagaing ramṭhen, Monywa peng ah hmunhma a khuarmi PDF sakhaan cu August 8 zinglei sml 6:00am hrawngah SAC ralkap pawl nih an luh hnawh hna i mipi hriamtlai 3 an nunnak a liam tiah theih a si.
A luancia July thla an rak tlaihmi hriamtlai 2 kha lam an hmuhsak ter hna hna i an rak luh hi a si tiah God Of Snakes phu rianngeitu nih The 74 Media ah a chim.
“Kanmah lei thawngpang hlat kan daithlang deuh. Line zong a ṭhat lo tuk ruang zongah a si. Zingka tuante ah an kan luh hnawh. A luancia thla ah an tlaihmi hriamtlai 2 kha lam an hmuhsak ter hna i kan sakhaan an rak phak hi a si” tiah a chim.
SAC ralkap pawl Monywa in an rak raa timi thawngpang ruangah sakhaan in kan chuak ko nain 20mins tluk kahdohnak a chuak i kanmah lei hriamtlai 1 a thi i an rak auhmi hriamtlai 2 zong SAC ralkap nih an thah hna tiah a chim.
A nunnak a liammi hna hi Ko Thway Kyaw (Kum 21) Ko David (Kum 25) le Ko Fatty (Kum 30) hna an si.
About The Author
