Mindat ah biaknak lei upa pawl hnatlakpinak lawngin facang cawk khawh a si
The Chinland Post | 2022 August 9 – Thlanglei Laithlang i kahdoh a fahnak Mindat khua ah nifatin kan ei rawl a simi facang cu SAC ralkap nih an tlaih i rikhiah in an zuar tiah theih a si.
Atulio ah khuami hna nih biaknak lei upa hna hnathlakpinak lawng in facang cawknak nawl a um tiah Mindat khuami pakhat nih RFA ah a chim.
“Kan herh zat in cawk khawh a si. Inn ah chiah khawh a si lo. SAC ralkap pawl nih an chimnak biakinn pawl lawng ah chiah khawh a si. Chuan ding a herh tikah biaknak lei upa hnatlakpinak ngeih hnu lawngah an kan chuahpiak” tiah a chim.
SAC ralkap pawl nih August 6 thok in facang tunkhat ah 40,000MMK in an zuar tiah a chim.
Hramhram uknak lak a sihnu ah CDF-Mindat le SAC ralkap karlak kahdohnak aa thok hnuin Mindat ah facang telh in adang nifatin eidin phorhnak nawl SAC nih an phih.
Kaphnih karlak kahdohnak ruangah innlo a zaamtakmi 9,000 leng an um tiah ralzaam bawmtu phu nih an chim.
About The Author
