Mrauk U Um Ralkap IB 540 AA Nih An Lak Chap
The Chinland Post | 2024 January February 1 — Rakhine ram, Mrauk U um ralkap IB 540 cu AA nih an kah i an lak chap tiah AA nih thawng an thanh.
Ralkap nih Mrauk U ah hram an bunh mi IB 540, IB 377, IB 378 hna cu AA nih a hmakhat te ah a kah hna i IB 540 cu January 30 zaan ah tlamtling tein an lak khawh i a tang mi ralkap battalion 2 zong an lak khawh nakhnga kahdohnak an tuah cuahmah tiah an thanh.
IB 540 hi Mrauk U mipi le Mrauk U nunphung a hrawktu ralkap sakhaan a si tiah unau hawikom phu 3 nih an thanh.
AA nih January 28 ah Minbya hrambunh ralkap IB 380 a rak lak khawh i January 30 ah Kyaukdaw hrambunh IB 374 a lak khawh i January 31 ah Mrauk hrambunh IB 540 a lak khawh hi a si.
AA ralkap pawl nih ralkap lei vanlawng kahdohnak an tuah ko bu ah atu bantuk in ralkap sakhaan pawl an lak khawh hi a si tiah an thanh.