Chinland Cozah Cu Ministry 14 Fonh In An Dirh
The Chinland Post | 2024 February 2 — Chinland Council nih cozah phu cu Ministry 14 fonh in an dirh tiah pau dothlennak kum 3 a tlin ni February 1 ah cathanh an chuah.
Chinland Council Conference term khatnak, term hnihnak Chinland Council Meeting cu January 30-31 tiang Chunlung khua ah an tuah i Chinland cozah phu, Chinland Supreme Court le Chinland Hluttaw telh in a biapi mi မဏ္ဍိုင် 3 an dirh khawh tiah Chinland Council nih an thanh.
Council member 100 an kainak cu meeting ah Chinland phunghram ning in thimnak committee nih thim mi Chinland cozah phu Chief Minister le Ministers pawl, Attorney General, Auditor General, Supreme Court, Chief Justice le Judge pawl an fehter hna.
Mah tein khuakhan lairelnak aa-mah-khan a um mi Chinland dirhnak, Nation building ah Chin miphun zapi kilvennak, kahdohnak lei ah National Army dirh ding le Chin National Movement ah mipi zapi he rianṭuanṭi ding hna a tak in an ṭuanchuah lai tiah cathanh ah an telh chih.
Cun hramhram uknak poah hrawh cikcek ding, mah tein khuakhan lairelnak aa-mah-khan a um mi Federal Democracy ram dirhnak ah kahdohnak le ramkhel lei aa ruang tein kalpi khawh nakhnga tlangcung hriamtlai phu, PDF phu pawl, cozah phu pawl, ramkhel party pawl, zatlang phu pawl he an i bawm lai tiah theih a si.
Chinland cozah phu ah Pu Pa Thang nih Chief Minister a ṭuan lai i Ministry 14 in an dirh lai.
Chinland cozah phu Ministry of Foreign Affairs Minister caah Dr. Suj Khan, Ministry of Defense Minister caah Pu Thawng Za Lian, Ministry of Home Affairs Minister caah Pu Robin, Ministry of Planning and Finance Minister caah Pu Pu Sein Aung, Ministry of Education Minister caah Salai Cross Thang, Ministry of Health and Sports Dr. Sharon Par, Ministry of Rehabilitation and Humanitarian Affairs Minister caah Salai Manna Kee, Ministry of Commerce Minister caah Salai Joseph Lalramlawmna, Ministry of Women, Youth and Children Affairs Minister caah Pi Ni Sui Lian, Ministry of Communication and Technology Minister caah Pu Mang Uk Khai, Ministry of Electrical and Power and Energy Minister caah Pu Thang Kham Lian, Ministry of Immigration and People’s Force Minister caah Pu Maung Oo, Ministry of Agriculture and Livestock Minister caah Pu Hmun Rung Lian, Ministry of Construction Minister caah Salai Za Thawng le Attorney General caah Dr. Tial Hnin hna an si.
Chinland Supreme Court i Chief Justice caah Pu Thomas Thang Nou, Judge pawl caah Pu Mana Sheing le Pu Thang Yen hna an si lai i Auditor General caah Pu Chan Ham a si lai.
About The Author
