Mya Pale Ralkap Gate Kahdohnak Ah Ruak 14 An Hmuh i Hriam Tampi An Lak
The Chinland Post | 2023 November 6 — Sagaing ramṭhen, Monywa peng Monywa-Mandalay lam ah thazang 35 hrawng nih hmunhma an khuarnak Mya Pale sakhaan cu an kah hna i ruak 14 le hriam tampi an lak khawh, PDF 6 an nunnak a liam ve tiah Chaung U peng PDF nih November 5 ah thawng an thanh.
November 4 zinglei sml 5:15am hrawng ah Chaung U peng chaklei meng 2 aa hlatnak Monywa-Mandalay lam cung ah a um mi No. 909 ah ralkap le pyusawthi fonh minung 35 nih hmunhma an khuarnak Mya Pale sakhaan an kah hi a si.
Ralkap 15 an zaam i zinglei sml 6:00am hrawng ah sakhaan an lak khawh. Ruak 14 le hriam, kuanzen pawl zong an lak khawh i sakhaan an kangh beh tiah theih a si.
Kahdohnak chung in Monywa pengkomh PDF Battalion 6 in hriamtlai 2, Chaung U PDF in hriamtlai 3, sii lei in a zul mi pakhat hna nih ram le miphun caah an nunnak an pek tiah theih a si.
About The Author
