Kawlin Khua An Lak, SAC Ralkap Le Palek Innchungkhar Pawl thandar Rang Tar In An Tli
The Chinland Post | November 6, 2023 — Sagaing ramthen, Kawlin peng khuachung cu Mipi ralkap nih an lak, SAC ralkap le Palek inchungkhar pawl cu thandar a rang mi tar in an tli tiah khuachung mi sin in theih a si.
November 3 zing 1:00am in Kawlin peng khuachung kahdohnak ah No. 1 High School chung um sakhan 2 an lak, Palek sakhan chung um ramkhel ruang ah thongtla mi hna telh in thongtla an dihlak an chuah ter dih hna, November 6 ah SAC ralkap, palek sakhan um rianṭuan mi dihlak nih thandar a rang mi tar in an tli.
Kawlin khuachung dihlak ah SAC rianṭuantu pawl an um ti lo, ui tlik ar tlik in an tlik hi a tu ceu mithmuh in kan ton, thandar a rang mi tar in an tli, Cheukhat cu kedenh hmanh an ngei lo, SAC vanlawng a rat ding kan phang ko, ralhrang uico pakhat te hmanh Kawlin ah an um ti lo tiah khuachung mi nih an chim tiah D-Day News nih a langhter.
About The Author
