Myaing ah nu 2 nih palek 2 zuu an dangh hna i a chung ah hilh sii an peih chih hnu ah hriam le kuan an lakpiak hna
The Chinland Post | 2023 January 4 – Magway ramṭhen, Myaing peng ah palek 2 cu nu 2 nih zuu an dangh hna i a chung ah hilh sii an peih piak hna hnu ah hriam le kuan pawl an lakpiak hna tiah Myaing PDF sin in thawng theih a si.
January 3 ah Myaing palek zung in palek Myat Soe Kyaw le Myo Min Thein hna cu zuu kan dang u tiah mipi sin ah an hal hna caah nu pahnih nih zuu an dangh hna i a chung ah hilh sii an peih piak hna i anmah zong an sin ah an ding ve tiah theih a si.
Cun palek 2 sin in G3 zuun 1, kuanbawm le kuan 17, phone 2, namte pakhat an lak i Myaing PDF sin ah an ap tiah theih a si.
Hriam tampi lak khawh a si ko nain an ngamh deuh lo caah meithal zuun 1 le adang pawl lawng an lak hi a si.
Nu 2 cu an din ve caah poison (အဆိပ်) an ngah i an i thlop hnu ah an him ṭhan i PDF nih an cawngh hna tiah theih a si.
About The Author
