Myaing ah pyusawhtee 3 hriam 3 le kuanzen pawl he CDM an tuah

The Chinland Post | 2022 November 25 – Magway ramṭhen, Myaing peng ah pyusawhtee 2 cu hriam zuun 3 le kuanzen pawl he CDM an rak tuah tiah Myaing PDF nih a thanh.

Myaing peng pyusawhtee a si mi Kanhla khua in Phoe Chit le Mazuaikone khua in Khaing Zaw Win hna cu Pakokku peng, Bonekan lamṭhen, Kaungsatwine pump dawr pawng ah hmunhma a khuar mi SAC ralkap 4 le pyusawhtee 9 cu an ei mi buh kio chung ah i hilhnak si an peih piak hna i an i hilh lio ah MA3 zuun 1, MA1 zuun 1, Carbine zuun 1, kuanbawm 5 le kuan 58, Carbine kuanbawm 3, kuan 52, he Myaing PDF battalion 1 sin ah CDM an tuah tiah theih a si.

Myaing PDF sin ah CDM a tuah mi pyusawhtee 2 cu minung 1 ah sing 50 laksawng an pek hna. Buh kio chung ah an peih mi i hilhnak si a tlawm deuh caah hriam zuun 13 an la kho lo tiah theih a si.

Na ruahning rak langhter ve.. (Leave a comment)

%d bloggers like this: