Hramhram in uknak lak caan thla 21 chung Myanmar ram pumpi ah kahdohnak voi 7,800 leng a chuak
The Chinland Post | 2022 November 25 – Myanmar ram pumpi ah a luancia kum February 1 thok in atu kum November 15 tiang hramhram in uknak lak caan thla 21 chung ah kahdohnak voi 7,855 nak tlawm lo a chuak tiah ISP Myanmar nih November 23 ah a thanh.
Karen ram ah kahdohnak voi 4,394, Sagaing ramṭhen ah voi 919, Kayah ram ah voi 339, Shan ram ah voi 281, Magway ramṭhen ah voi 341, Kachin ram ah voi 213, Mon ram ah voi 244, Bago ramṭhen ah voi 259, Chin ramkulh ah voi 588, Taninthary ramṭhen ah voi 107, Mandalay ramṭhen ah voi 73, Rakhine ram ah voi 48, Yangon ramṭhen ah voi 30, Irrawaddy ramṭhen ah voi 8 le Naypyitaw ah voi 1 a chuak a tiah cathanh ah a langhter.
Kahdoh a tam bik nak hmun a si mi Karen ram ahcun SAC ralkap nih vanlei le vawlei lei he kahdohnak a tuah tiah theih a si.
Hramhram in uknak lak caan thla 21 leng caan chung ah Myanmar ram pumpi peng 191 ah kahdohnak a chuak i cu chung ah kahdohnak 3,997 cu KNU Brigade 5 hmunhma ah a cang tiah ISP Myanmar nih a thanh.
About The Author
