Myanmar Cadet (ဗိုလ်လောင်း) pawl cawnternak ka dirter lai tiah Japan nih a chim
The Chinland Post | 2022 September 21 – Kawl ralkap in Cadets (ဗိုလ်လောင်း) pawl cawnnak peknak cu a raa laimi kum in kan dirter lai tiah Japan Ministers of Defense nih a chim tiah Japan thawngzamh pawl nih an langhter.
Kawl ralkap cadets pawl Japan Minister of Defense tang cawnnak sianginn pawl ah cohlannak cu a raa laimi 2023 ah ka dirter lai tiah Ministry of Defense nih September 20 ah a thanh.
Atulio ah Kawl ralkap minung 11 cu Japan National Defense Academy le adang cawnnak sianginn pawl ah an kai lio a si ko i anmah hna cu cawnnak an dih tiang kan cohlan hna lai tiah a chim.
Myanmar ram chungah ralkap nih hramhram in uknak a lak hnu ah SAC ralbawi pawl cawnnak a pek mi hna cungah nuhrin covo phu nih an aupi caah Japan Ministry of Defense nih atu bantuk in a chim hi a si.
About The Author
