Myanmar ralzaam pawl zarkhat chung ah an umnak hmun kan kuat ṭhan hna lai: Assam Rifles
The Chinland Post | 2023 February 24 — India, Manipur, Chandel pengkomh ah a um mi Myanmar ralzaam hna cu zarhkhat chung ah Myanmar ram ah kan kuat ṭhan hna lai tiah February 22 ah rianngeitu pawl, palek phu pawl le Assam Rifles nih an thanh.
Tamu in Manipur ah aa dor mi pakhat nih “Nawl an chuah hi February 22 lawng ah kan theih, an chimnak ah Card a ngei mi pawl kha an check hna lai caah thuh ding si ti lawng kan theih. Cheukhat cu thinphang in khua lei a kir ṭhan mi zong an um cang. Ralzaam i dornak khua pawl check ding in an lut i inn pawl an hrawhter hna leng ah zarhkhat chung ah mah le ratnak ram kir ṭhan ding tiah nawl an chuah” tiah Zalen ah a chim.
Ramri ah aa dor mi ralzaam a tam deuh cu Chin miphun hna an si i Myanmar ram buainak ruang ah chikhat aa rak dor mi hna an si.
Asinain in Manipur rianngeitu pawl nih illegal migrant verification tuah ding in program a ngeih ca ah an rak check hi a si tiah thawng theih a si.
Cubantuk in an tuah caah ralzaam hnu, hngakchia pawl lungrethei in an um.
About The Author
