Myanmar ram ah bawmhnak a herh mi 3 million leng an um

The Chinland Post | 2022 October 7 – Myanmar ram ah bawmhnak a herh mi 3 million leng an um tiah UN OCHA nih October 6 ah a thanh.

Myanmar ram ah bawmhnak a herh mi an karh bantuk in ramchung ah a ummi UN phu pawl nih 2022 kum cheu tiang ah minung 3.1 million bawmhnak a pek cang hna tiah a chim. Asinain bawmhnak caah tiah kan rak i tinhmi tangka a chuah lo lawng siloin dawnkhantu zong an um caah bawmhnak a herh mi pawl ṭha tein kan bawm kho hna tiah tiah a thanh.

A hlei in buainak a tamnak hmunhma pawl ah bawmhnak ṭha tein pek khawh a si lo i riikhiah piak kan tong tiah a chim. Khuami hna an nunnak caah an herh mi pawl kha ṭha tein kan phawtzamh khawhnak hnga dawnkhantu um lo tein an kan pek ter a herh tiah UN OCHA nih a chim.

UN OCHA program caah 2022 ah USD $ 680 million an chiah ko nain September 29 tiang ah 20% lawng kan ngah rih i ni kum cazin zong a tlawm tuk tiah a chim. Cucaah kan hawikom ram hna nih bawmhnak nganpi a herh mi Myanmar ram caah bawmhnak kha papek in ṭuan hna u sih tiah forhfialnak zong a langhter.

Na ruahning rak langhter ve.. (Leave a comment)

%d bloggers like this: