Myanmar ram Investment (ရင်းနှီးမြှုပ်နှံမှု) vialte Puma Company nih a zuar dih

The Chinland Post | 2022 October 7 – Myanmar ram Investment (ရင်းနှီးမြှုပ်နှံမှု) vialte ka zuar dih cang tiah Puma Energy Company nih October 5 zing ah a thanh.

Switzerland ram ah hram a bunhmi Trafigura Company i Company ṭhen a simi Puma Energy Board Director biakhiahnak a chuah hnuin atu bantuk in an thanh hi a si.

Puma Energy cu Puma Energy Asia Sun (PEAS) he National Energy Puma Aviation Service (NEPAS) ah a ummi Company Share vialte cu ramchung Company pakhat sin ah zuar ding in min an thut cang tiah an langhter.

PEAS, NEPAD le Puma Energy cu 2015 thok in Myanmar vanlawng fuel a zuarmi an si.

Hramhram in uknak lak a si hnu ah Vanlawng fuel ramchung ah luhter ti lo ding in NUG le mipi phu nih Puma Energy cu an nawl.

2021 February 1 ah SAC nih hramhram in uknak a lak hnu ah Puma Energy cu Vanlawng fuel rak luhternak an tuah ti lo nain Company le mipi lei ca hmang ding in rian an thok ṭhan

Na ruahning rak langhter ve.. (Leave a comment)

%d bloggers like this: