Myanmar Rampi Huap July 19 Kahdohnak Ah Ralhrang 78 An Thi, 20 Tlaih An Tong
Salai Mangpau | July 19, 2023 |
Myanmar rampi huap in July 19 kahdohnak ah SAC ralhrang 78 an thi i 20 tlaih an tong tiah Mipi ralkap lei in thawngthanhnak an tuah cio mi zoh in theih khawh a si.
- Sagain ramṭhen, Shwebo peng, Hanlin khuahlun ah hmunhma a la mi SAC ralkap, Pyusawhti umnak cu Mipi ralkap nih an va kah hna caah SAC ralkap 25an thi, Pyusawhti 20 hrawng hliamtuar mi an um I 20 an tlaih hna tiah Generation Z power (Mandalay) nih thawngthanhnak a tuah.
- Bago ramṭhen, Kyauktada peng chung ah July 18 zaan 12:00am ah ralrunvennak duty lak in leng a chuak mi Police cu mizei a si theih lo mi hriamtlai phu nih an kah hna. Cu kahnak ah police Duh Ye hmu telh in mi 4 an thi. Pakhat hliam a tuar tiah theih a si.
- Chin ram, Kanpetlet peng ah July 16-19 ni 4 chung kahdohnak ah SAC ralkap 19 an thi. Mipi lei in hriamnam kuan le zen cawknak bawmh an herhnak zong CDF-Kanpetlet nih thawngthanhnak a tuah.
- Bago ramṭhen, Mongo peng ah SAC ralhrang duhlonak catar phoih ah a ra mi ralhrang rual motor cu landmine tarhnak ah SAC ralkap 2 an thi tiah Tayawaddy District PDF sin in theih a si.
- Mandalay ramthen, Thabeikkyin peng ah Mipi ralkap PDF nih landmine bom tarhnak ah SAC ralhrang 6 an thi. Mipi ralkap PDF 1 nih ram caah a nunnak a pek.
- Tannintharyi ramṭhen, Thayetchaung peng, Dawai tiva tilawng pil ruang ah a thi mi ralhrang ruak a phortu SAC motor rual cu PDF landmine nih ralhrang 3 a thah hna.
- Sagaing ramthen, Monywa peng, Thawpuh khua July 18 zing 10:40am ah bazaar kai a ra mi Pyusawhti hna cu One Way Revolution Force nih landmine bom tarhnak ah Pyusawhti 2 an thi.
- Tanintharyi ramṭhen, Tanintharyi peng chung ah July 15 in Maik-Tanintharyi-Mawtaung lam ah SAC ralhrang rual an rak kainak ah Mipi ralkap he July 19 tiang kahdohnak a um tiah theih a si. Ralhrang lei in motor 5, ralkap 100 leng kai in an rat lio ah Mipi ralkap nih an kah hna. Nihin July 19 tiang ah SAC lei 10 an thi: mahnak tam an thi kho tiah Mipi ralkap nih an chim.
- Magwe ramṭhen/ Pakokku- Pauk lampi kahdohnak ah mipi ralkap PDF nih SAC ralhrang 10 an thah khawh hna.
Theihternak: Media in an rak tarlangh mi chung in lak mi a si caah media ah a lang rih lo mi kahdohnak ah ralhrang a thi mi hi mahnak tam deuh zong an thi kho ko.
About The Author
